أحاسيس رسـام
06-17-2007, 05:25 AM
بسم الله الرحمن الرحيم
صنائع المعروف تقي مصارع السوء
الكل يعرف معنى هذه الجملة والكل يعرف إن الصدقة ترد القضاء حتى إن الرسول صلى الله عليه وسلم قال )) داوو مرضاكم بالصدقة )) أو كما قال فداه أبي وأمي .
صراحة حبيت اطرح الموضوع هذا عليكم لعلنا نأخذ العظة والعبرة من القصص التي نوردها هنا .
الفكرة وما فيها أننا نقوم بطرح قصص حدثت معنا شخصيا أو مع شخص من أقاربنا تجسد هذه الجملة حتى نبين أهمية
الصدقة في حياتنا وفضلها كما أمرنا بذلك رب العزة والجلالة وحثنا عليه رسول الله صلوات الله وسلامه عليه
وسأبدأ لكم أنا بقصة حدثت معي أنا شخصيا :
كنت فيما مضى أعمل في منطقة القصيم وفي إحدى المرات التي رغبت فيها بزيارة تبوك برا مررت بمدينة بريده لشراء بعض الأغراض فسمعت أحد عمال المحل اللي أنا فيه يسولف مع شاب سعودي ويقول له وين تبي تسافر اليوم الرجال قال تبوك , طبعا أنا سمعت طاري تبوك التفت على الرجال ورحت وسلمت عليه وقلت معك فلان العطوي وعرفني بنفسه وكان من الحويطات , المهم كان اخينا بالله توه مخلص اختبار ورحلته الى تبوك في الليل قلت له أنا رايح تبوك الحين بر فيك شدة تخاويني الرجال قلبها براسه وقال على بركه الله , المهم أخذنا أغراضنا من المحل ومريت شقته وأخذنا شنطته وطلعنا على بركه الله , وفي مدينة حائل في مجمع مشعان وقفنا نعبي بنزين وأنا أعبي شفت امرأة تشحذ ( صراحة أنغبن لما أِشوف سعودية بالحال هذه بس الشكوى لله ) وصراحة كنت ما أثق في النوعيات هذه لكن يوم جتني وكلمتني مدري وش اللي خلاني اطلع المحفظة وأعطيها اللي قسمه ربي الحرمه قالت : الله يوفقك ويستر عليك , خلصت من البنزين ووقفت عند السوبر ماركت وأنا طالع من السوبر ماركت إلا وجهي بوجهها إلا اسمعها تقول لي الله يستر عليك يا وليدي
صراحة ما أعرتها أي انتباه وركبت سيارتي وحركت أنا وخويي وكان الوقت قبل صلاة العصر وقبل المفرق ( مفرق العلا ) كنت أمشي طبلون السيارة والله يا جماعة الخير إن المؤشر حق السرعة تقول نايم على جهة اليمين وسيارتي امريكي المهم ما حسيتا لا بضربة الكفر واقسم بالله لكم كان تحكمي بالسيارة عجيب كأني أسوق سيارة المانية وامشي بشويش يعني ما كأن صار شي معي , طبعا أنا توقعت إن الكفر الخلفي هو اللي ضرب معاي بحكم التحكم اللي شفته بالسيارة مني , المهم نزلت من السيارة لقيته الكفر الأمامي والكل يعرف منكم إذا ضرب معه الكفر الأمامي كيف تكون السيطرة منه على السيارة , المهم لقيت الكفر متقطع وحمدنا ربنا على السلامه واطلع العفريته والاستبنه وأنا ارفع بالسيارة كسرت يد العفريته ( من العافية اللي فيني ) هنا قعدت فيها أنا وخويي والدرب مقطعه ( ما حولنا احد يعني ) وحر المهم قمنا ناشر للرايح والجاي
وسبحان الله وفي وقت واحد يوقف اثنين واحد رايح تبوك وواحد رايح الشملي المهم نزلوا لنا وواحد جاب لنا عفريتته والثاني جزاه الله كل خير جاب لنا مويه , المهم ضبطنا سيارتنا ومشينا والله ما أمداني امشي عشرين كيلو إلا يضرب نفس الكفر ( بيني وبينكم قلت خويي هذا شكل وجهه نحس ) المهم نزلت من السيارة والقى الجلده حقت الكفر طايرة ولا اسمع تنسيم بالكفر واطفي السيارة واتحضن الكفر ابي اسمع شي ما سمعت , الكفر كان واقف على الجلده بس قلت لخويي وش رأيك نمشي على مهلنا لأقرب محطة قال مشينا وكنت خايف انه يبنشر مره وحده لأني وقتها بولع في السيارة من الطفش , المهم مشيت على اقل من مهلي لمسافة خمسين كيلو لين وصلت محطة بعد المفرق وبعد ما أخذت كفر جديد
إلا خويي يقول هذه دعوة العجوز لنا , وأنا أتذكر دعوتها واحمد ربي على اللي صار لي
هذه قصة حدثت معي شخصيا أتمنى أن نأخذ العظة والعبرة منها في الصدقات بنية صادقة , وأنتظر من البقية سرد قصص مشابهة حدثت معهم أو مع أقاربهم ..
الموضوع مفتوح للجميع
وتقبلوا فائق احترامي وتقديري لكم جميعا
أخوكم
][ أحاسيس رسـام ][
صنائع المعروف تقي مصارع السوء
الكل يعرف معنى هذه الجملة والكل يعرف إن الصدقة ترد القضاء حتى إن الرسول صلى الله عليه وسلم قال )) داوو مرضاكم بالصدقة )) أو كما قال فداه أبي وأمي .
صراحة حبيت اطرح الموضوع هذا عليكم لعلنا نأخذ العظة والعبرة من القصص التي نوردها هنا .
الفكرة وما فيها أننا نقوم بطرح قصص حدثت معنا شخصيا أو مع شخص من أقاربنا تجسد هذه الجملة حتى نبين أهمية
الصدقة في حياتنا وفضلها كما أمرنا بذلك رب العزة والجلالة وحثنا عليه رسول الله صلوات الله وسلامه عليه
وسأبدأ لكم أنا بقصة حدثت معي أنا شخصيا :
كنت فيما مضى أعمل في منطقة القصيم وفي إحدى المرات التي رغبت فيها بزيارة تبوك برا مررت بمدينة بريده لشراء بعض الأغراض فسمعت أحد عمال المحل اللي أنا فيه يسولف مع شاب سعودي ويقول له وين تبي تسافر اليوم الرجال قال تبوك , طبعا أنا سمعت طاري تبوك التفت على الرجال ورحت وسلمت عليه وقلت معك فلان العطوي وعرفني بنفسه وكان من الحويطات , المهم كان اخينا بالله توه مخلص اختبار ورحلته الى تبوك في الليل قلت له أنا رايح تبوك الحين بر فيك شدة تخاويني الرجال قلبها براسه وقال على بركه الله , المهم أخذنا أغراضنا من المحل ومريت شقته وأخذنا شنطته وطلعنا على بركه الله , وفي مدينة حائل في مجمع مشعان وقفنا نعبي بنزين وأنا أعبي شفت امرأة تشحذ ( صراحة أنغبن لما أِشوف سعودية بالحال هذه بس الشكوى لله ) وصراحة كنت ما أثق في النوعيات هذه لكن يوم جتني وكلمتني مدري وش اللي خلاني اطلع المحفظة وأعطيها اللي قسمه ربي الحرمه قالت : الله يوفقك ويستر عليك , خلصت من البنزين ووقفت عند السوبر ماركت وأنا طالع من السوبر ماركت إلا وجهي بوجهها إلا اسمعها تقول لي الله يستر عليك يا وليدي
صراحة ما أعرتها أي انتباه وركبت سيارتي وحركت أنا وخويي وكان الوقت قبل صلاة العصر وقبل المفرق ( مفرق العلا ) كنت أمشي طبلون السيارة والله يا جماعة الخير إن المؤشر حق السرعة تقول نايم على جهة اليمين وسيارتي امريكي المهم ما حسيتا لا بضربة الكفر واقسم بالله لكم كان تحكمي بالسيارة عجيب كأني أسوق سيارة المانية وامشي بشويش يعني ما كأن صار شي معي , طبعا أنا توقعت إن الكفر الخلفي هو اللي ضرب معاي بحكم التحكم اللي شفته بالسيارة مني , المهم نزلت من السيارة لقيته الكفر الأمامي والكل يعرف منكم إذا ضرب معه الكفر الأمامي كيف تكون السيطرة منه على السيارة , المهم لقيت الكفر متقطع وحمدنا ربنا على السلامه واطلع العفريته والاستبنه وأنا ارفع بالسيارة كسرت يد العفريته ( من العافية اللي فيني ) هنا قعدت فيها أنا وخويي والدرب مقطعه ( ما حولنا احد يعني ) وحر المهم قمنا ناشر للرايح والجاي
وسبحان الله وفي وقت واحد يوقف اثنين واحد رايح تبوك وواحد رايح الشملي المهم نزلوا لنا وواحد جاب لنا عفريتته والثاني جزاه الله كل خير جاب لنا مويه , المهم ضبطنا سيارتنا ومشينا والله ما أمداني امشي عشرين كيلو إلا يضرب نفس الكفر ( بيني وبينكم قلت خويي هذا شكل وجهه نحس ) المهم نزلت من السيارة والقى الجلده حقت الكفر طايرة ولا اسمع تنسيم بالكفر واطفي السيارة واتحضن الكفر ابي اسمع شي ما سمعت , الكفر كان واقف على الجلده بس قلت لخويي وش رأيك نمشي على مهلنا لأقرب محطة قال مشينا وكنت خايف انه يبنشر مره وحده لأني وقتها بولع في السيارة من الطفش , المهم مشيت على اقل من مهلي لمسافة خمسين كيلو لين وصلت محطة بعد المفرق وبعد ما أخذت كفر جديد
إلا خويي يقول هذه دعوة العجوز لنا , وأنا أتذكر دعوتها واحمد ربي على اللي صار لي
هذه قصة حدثت معي شخصيا أتمنى أن نأخذ العظة والعبرة منها في الصدقات بنية صادقة , وأنتظر من البقية سرد قصص مشابهة حدثت معهم أو مع أقاربهم ..
الموضوع مفتوح للجميع
وتقبلوا فائق احترامي وتقديري لكم جميعا
أخوكم
][ أحاسيس رسـام ][